Funna var gjort i overflata på eit stort område på begge sider av bekkeutløpet frå Djupdalen til Eidesvatnet. På N sida av bekken er det ei rydda flate med to rekker av stein langs kanten. Berg i nord og aust, bekk i sør. Flata hellar ut i Eidesvatnet i V. Funna vart gjort på begge sider av bekken. På S sida av bekken er lokaliteten avgrensa av ein hellarvegg i SA. Det vart teke eit prøvestikk nedenfor ein jordfast stein sentralt på lokaliteten på N sida av bekken. I prøvestikket vart det funne eit økseemne ca 17 cm under overflata. Garnsøkka og knakkestein vart funne i steinrydningane langs kantane på N sida av bekken. Prøvestikk 1. Lag 1, 0-24 cm: brun sand og grus (funnførande). Lag 2, 24-27 cm: grå sand og grus - mindre funn. Lag 3, 27-35 cm: grå grus. Lag 4, 35-39 cm: brun gyttje/torv og grus. Lag 5, 39-90 cm: mørk brun, rein organisk gyttje. Ikkje sand og grus. Lag 6, 90-130 cm: same som 5, men med litt skjel. Meir skjel mot botnen.