Det vart tatt 12 prøvestikk i området, der 6 gav funn. Lokaliteten er ca 65 x 15 meter, dvs. i overkant av 970 kvm. Torva var mellom 20 og 30 cm tjukk. Under dette var det ulike variantar av gruslag, ofte grov og med mykje stein. Funna vart gjort her. I stikk 7 og 8 var det litt trekol. Under gruslaget var det steril grunn. Det var 38 funn frå lokaliteten. Prøvestikka ut mot daldraget ned til sjøen, nr. 2 og 7, hadde mest funn (8 og 11). Funna i prøvestikka er likevel så jamnt fordelt, at ein ikkje kan snakka om markerte funnkonsentrasjonar. Heile lokaliteten må reknast som eit samanhengande funnområde. Flint dominerer i råstoffvalet.