Golvflata på hylla er om lag 80 kvm. Det er funn på heile flata, og alle dei 4 prøvestikka som vart tatt var funnførande. Lokaliteten har ei god naturleg avgrensing i alle retningar. Torva var mellom 15 og 20 cm djup. Deretter kom eit funnførande lag med raudbrun sand med litt grus. I prøvestikk 3 og 4 var det trekol i laget. Under dette kom steril grunn. Det mest funnrike prøvestikket var nr. 3 med 25 funn. Dette stikket ligg inn mot skråninga i vestsida. Stikk 4 hadde 10 funn medan stikk 1 og 2 hadde 1 og 2 funn.