Lokaliteten ligg på ei markert hylle i landskapet, på ein naturleg flate med relativt tjukke avsetningar i sand. På staden er det delvis fuktig grunn, der ein har spor etter utvasking i torva på berghylla. Flaten er vel 5 meter brei og opptil 15 meter lang. I nord smalnar den inn mot nordaust og ein får ein bratt kant ned mot Solebekken. Funna vart gjorde i overgangen mellom torva og sanden. Den vesle mengda av funn viser at dette er ein liten lokalitet, truleg ein mindre aktivitetsplass eller ein tilfeldig stopp i fortida. Det opna arealet gav heller ingen indikasjonar på at det hadde vore større aktivitet i området.