Lokaliteten ligg på ein flate vel 15 meter over havet. Det er tatt eit funnførande og to negative prøvestikk på flaten. Det er berre gjort eit funn av bergkrystall, og funnstaden må difor tolkast som liten og ikkje særleg funnrik. Det kan vera grunn til å sjå funnstaden i samband med lokalitet nummer 3, der denne kan vera ein mindre utkikksplass i samband med stoppen på lokalitet 3. Stratigrafien på lokaliteten viser ei todeling mellom torv og sand/grus, der det nedste laget er funnførande.