Lokaliteten ligg på ein flate i øvste del av skråninga. Flaten er avgrensa av mindre bergkollar i nordvest og ein markert bergkolle i søraust. Funnstaden er liten, det er berre gjort funn i eit prøvestikk. Det er i alt tatt 3 prøvestikk på flaten. Strategrafisk er lagdelinga i prøvestikk 1 og 2 lik med eit lag av røter og torv, under dette kjem eit lag med finkorna sand blanda med trekol. Under dette er det grå sandbotn. I prøvestikk 1 var det trekolhaldige laget funnførande og dermed kan ein sjå dette som eit kulturlag. I prøvestikk 3 vart det ikkje påvist eit så klart lag med trekol og sand, dette kan ein tolke som at ein er i utkanten av lokaliteten. Det vart ikkje gjort funn i prøvestikk 2 og 3.