Heile flaten er på vel 40 x 8 meter. Det funnførande området er på vel 8 x 30 meter. Avstanden mellom prøvestikk 2 og 3 er vel 15 meter med fleire negative stikk i mellom. Dette kan tyda på at lokalitet 3 er ein eigen lokalitet, eller eit mindre aktivitetsområde knytt til buplassen. Stratigrafi: Prøvestikka viser ei stor grad av varierande lagdeling. I dei funnførande prøvestikka har ein eit karakteristisk trekk med at det er ei tettpakka steinpakning like under torva. Torvlaget varierer frå 20 cm. i prøvestikk 1 til 15 cm. i prøvestikk 2 og 3. Steinlaget er synleg i prøvestikk 1 og 2 medan det funnførande område i erosjonsflata ikkje har spor av eit slikt lag. Heller ikkje i prøvestikk 3 er det spor etter steinpakninga. Funna er gjort i underkant av torvlaget, dvs. i steinpakninga og like under denne. Under steinpakninga er det grus med småstein og sand.