Sikringssone er definert i kulturminnelovens § 6 og beskrives på følgende vis: «Med til et automatisk fredet kulturminne som nevnt i § 4, hører et område rundt dets synlige eller kjente ytterkant så langt det er nødvendig for å verne det mot tiltak som nevnt i § 3 første ledd. Området fastsettes særskilt av vedkommende myndighet etter loven.»
Sikringssonen skal beskytte det automatisk fredete kulturminnets integritet og plassering i landskapet, samt hindre inngrep og utilbørlig skjemming som nevnt i kml. § 3 første ledd. Sikringssonen er en sentral størrelse når man skal vurdere spørsmål om dispensasjon.
Røysa som er bygd av 30 - 50 cm store steinar/blokker, er 2 m i tverrmål og omlag 70 cm høg, men det er innpåkasta noko stein. På røysa er bygd ein varde. I røysa veks nokre fjellbedplantar og tett V for henne veks ei furu.
Gravrøysa som er 10 m i diameter og 1,5 - 2 m høg, er lagd opp av 0,2 - 0,7 m store steinar/blokker på ein knaus. I NO-delen finst to søkk, 1,2 m vide og 0,7 og 0,9 m djupe. Langs kantane kan ein sjå muring i fleire skift. Det er mogleg dei er av nyare dato. På toppen av røysa ligg eit relativt grunt, men vidt søkk. Søkket er mosegrodd og det veks ein del gras her. I sentrum av røysa veks ein del eine, like eins langs kanten i NO-delen. Ho er mykje utkasta og av den grunn dårleg markert, men er godt synleg. Nedanfor røysa i NO ligg ein del stein som truleg er utkasta herfrå.
Røysa måler 6 m i diameter. Ho er omlag 1 m høg. I O er ho noko utkasta. Røysa er lagd opp av brotstein/-blokker frå 0,1 - 0,8 m store. I midten av røysa er bygd opp ein varde, omlag 1 m høg og 1,1 m vid. I vestkanten av røysa veks ein del brake og lyng, men i O er ho stort sett naken.
Samlinga er orientert NV-SO og strekkjer seg over eit 18,5 m langt område. Breidda varierer frå 4,5-11 m. Røysa heilt i SO er klårt markert, medan dei i NV er meir utydelege.Røysa fk.nr. 5/1 er 11 m NO-SV og 7 m NV-SO. På det høgste er ho 0,8 m. I røysa er eit krater, 1,8 m i tverrmål og 0,7 m djupt. Ho er bygd av nakne steinar/blokker, 0,1-0,6 m i tverrmål. I sørvestre kant av røysa ligg ei helle. Denne er 1,5 m lang, 0,8 m brei og 0,15 m tjukk. På røysa veks noko mose, bregnar og lyng, og midt i står eit rognetre.Røysa fk.nr. 5/2 er 4 m NV-SO og 5 m SV-NO. Høgda er kring 0,5 m. Det er få synlege steinar, avdi dei ligg under lyngen, men storleiken på dei ser ut til å vere 0,1-0,5 m.Mellom desse to røysene ligg nokre steinar som mogelegvis kan vere frå ei røys her. Tverrmålet på denne steinsamlinga er kring 4 m. Det er eit grunt søkk, 1,2 m i tverrmål. Høgda på denne noko tvilsame røysa er 0,3 m. Her veks lyng og mose.
Den graskledde forhøginga er 25 x 8 m, orientert NNO-SSV, og er spissoval av form, nærast som ein stor båt. Formasjonen er omlag 0,5 m høg og heilt flat på toppen, noko som kan skuldast at her har vore dyrka. Kor vidt haugen elles er menneskeverk eller natur, er vanskeleg å avgjera utan nærare gransking.
Haugen er 10 m i diameter og opp til 0,7 m høg. Han er graskledd, men nokre steinar stikk i dagen i O. I toppen av haugen finst eit grunt søkk etter utkasting. Her står nå eit hagebord av stein. Det er vanskeleg å avgrensa haugen som er dårleg markert. Haugen syner relativt godt att i lendet. Frå haugen hallar terrenget bratt nedover mot NO. Langs kanten i O veks eine, medan ei selje står i VNV. Ein stor bautastein låg ved foten haugen, men kom seinare i ein steingard og blei knust til vegfyll.
Kleberbrotet strekkjer seg over kring 100 m med hovudorientering VNV-OSO. I frå bakken og opp til 4 - 5 m høgd kan ein sjå ei rekkje spor etter kleberuttak. Desse spora er særleg tydelege der det ikkje veks tre og kratt framfor berget, ein strekning på kring 40 m. Her er det lengst O teke ut kleber ved bakken, slik at det er danna eit 7 m langt, 1,5 - 2,5 m høgt og opptil 2 m djupt overheng i berget. I kleberbrotet kan ein sjå fleire emne til kvadrar i ulike stadium. Som døme kan nemnast at litt V for midten av den delen av berget som ikkje har lauvtre framfor, 7 m O for ein røyrleidning som kjem ned langs berget, finst ved bakkenivå emnet til ein kvader som er 0,55 x 0,55 m vid og 0,2 - 0,25 m tjukk. I fylgje segna skal det i dette kleberbrotet vera hogge ut kvadrar til Mostra-kyrkja.
Flata med lokaliteten vert mot N avgrensa av låge, nakne sva, mot S av ein 10 m lang og 2 m rett bergrygg som går O-V. Her vart teke to prøvestikk med 2 m mellomrom. Begge stikka gav følgjande lagdeling: 18 cm med torv, 5 cm med gråsvart sandjord, 10 cm med grov sand, truleg gamal strand. Begge stikka var funnførande. Prøvestikk nord for flata var funntomme.
Innan det største vegetasjonsfrie området vart det funne ein flintkjerne og i det mindre området 15 m lenger mot ONO fleire gjenstandar og avslag av flint.