229798
førsteDigitaliseringsdato
informasjon
- Treskipa langkyrkje med heva midtrom bore av 16 stavar reist på grunnstokkar. Kyrkja har i dag svalgang rundt heile bygget med oppbygg og inngang, skruv, over vest- og sørportalane. I vest er svalen open, på langsidene har den brystning og ein portal mot sør, medan den er lukka i aust rundt apsis. Takryttaren i to etasjar sit midt på mønet til skipet. Kyrkja er utstyrt med utskorne vindskier og mønekam. Då den nye kyrkja i Vik stod ferdig i 1877, vart Hopperstad stavkyrkje kjøpt av Fortidsminneforeningen. Dagens utsjånad fekk kyrkja etter ei restaurering i tida rund 1880 leia av arkitekten og ingeniøren Peter Blix. Utvendig vart ho sett i stand med Borgund som førebilete. Kyrkja er ei av dei eldste attverande stavkyrkjene. Årringsprøver viser at ein av stavane i skipet er hogd vinteren 1131-32. Heile konstruksjonen og mykje av veggplankane er frå mellomalderen, berre utsjånaden og svalgangane er nyare. Kyrkja har fire særmerkte og særs ulike portalar. Hovudportalen i vest er utsmykka med buktande drageformar som bit kvarandre i halen. I skipet står ein rikt utsmykka baldakin, eit ciborium, over eit sidealter. Trass i restaureringa har kyrkja godt bevara detaljar. Stilhistorisk har kyrkja vore datert til 1125-50. Gjennom Riksantikvaren sitt stavkyrkjeprogram vart taket sett i stand og inventaret konservert.
kulturminneDateringEksakt
kulturminneDateringKvalitet
kulturminneDateringMetode
KulturminneEnkeltminneArt
kulturminneHovedMateriale
kulturminneOpprinneligFunksjon
opphav
- Riksantikvaren, Hovedkontor