2535935
førsteDigitaliseringsdato
informasjon
- Langstrakt trebygning i ein etasje, trekvart mansardtak tekt med svart glasert tegl. Langs langsida mot NA, og langs begge kortsider, ein søylegang – trekt inn under taket – med joniske søyler av tre, på høge postament av stein; søylegangen har golv av brune kvadratiske heller. Midt på kvar langside ei stor ark med trekantgavl – arka mot NA skyt fram frå bygningen og står på søyler, medan det framfor arka mot SV er ein altan boren av søyler. Veggkonstruksjonen skal etter sigande vera ståande plank på svill. Kledning: ståande vekselpanel med smale underliggarar på frontfasaden og gavlane. Liggande uprofilert sukledning på hagefasaden. Innanfor søylegangen og på arkene pilastrar med rokokko- og louis-seize-ornamentikk i lågt relieff; rikt profilerte gesimsar av klassisk type, med tannsnittlist; øvst i arkgavlane ovale vindauge med omramming forma som ein bladkrans. Midt på NA-fasaden hovudinngang – rundboga, tofløya dør med store glasfelt, empireportal og fint hogde trappetrinn. Tilsvarande dør, men utan portal, på motsett side av huset; ein enklare, tofløya dør med rundboga overlys på NA-fasaden. Skyvevindauge av engelsk type, til dels med kronglas. På loftsgavlane krysspostvindauge, med eitt unntak nyare kopiar. Diverse nyare vindauge i takflatene, på SV-sida to små, nyare arker med store, nye vindauge. Portalen og døra på NA-fasaden måla blå, elles kvitmåla. Nyare branntrapp (metall vindeltrapp) på SA-gavlen. Kjellar under NV-enden av huset, med ei nyare panelt dør i gavlveggen. Lengst V på SV-fasaden er eit lågt mellombygg, som knyt bygningen til eit stort tilbygg frå 1989, lagt i vinkel på det gamle huset og bygd i oppsluttande stil med kvitmåla panel, sprossevindauge og skråtak med svart tegl.
kulturminneDateringEksakt
kulturminneDateringKvalitet
kulturminneDateringMetode
KulturminneEnkeltminneArt
kulturminneHovedMateriale
kulturminneOpprinneligFunksjon