https://api.ra.no/KulturminnerFredaBygninger/collections/fredabygninger/items/2864425
førsteDigitaliseringsdato
informasjon
- ”Nystova” ligg parallelt med ”Stova” og er ei rektangulær bygning på 13 x 5,8 meter i ein etasje og loft. Ho er konstruert med to lafta kasser (stove mot vest, og ei masstove mot aust) med tilnærma kvadratiske grunnplanar, forbunde med korte bindingsverksveggar, og kledd med kvitmåla, liggande panel. Ho står i skrått terreng, og fremste delen (stova) mot vest kvilar på ein pussa og kvitmåla kjellarmur som på gavlsida er mannshøg. Han skal ha blitt pussa i 1923, før dette var her tørrmur. Bakre delen (masstova) mot aust ligg med golvet noko høgare i terrenget, og dei to vinduaga på sørsida er derfor plassert heilt oppe under raftet. Bygningen er dekka av eit saltak tekka med grøn bølgjeblekk. Frå utsida av huset kan ein lenger aust på nordveggen gå inn i eit smalt kammers som er avdelt frå masstova utan innvendig dør. Masstova er no innreia som soverom.Dei utvendige bygningsdetaljane er frå ulike tider. I røstene er det toramsvindauge med midthengsling, 2 x 3 ruter i kvar ramme med tynne sprosser, og eit tilsvarande på kjellarveggen mot vest. Sentralt på vestveggen, under røstvindauget, er det eit vindauge med same hovudutforming, men sidehengsla og med større ruter og sprosser, og eit av same slag vest på sørveggen. Aust på sørveggen, i ”masstova”, er det to vindauge med jugendstilpreg; det er krysspostvindauge med to rektangulære rammer over to rammer med 2 x 2 ruter i tynne sprosser. Midt på sørveggen er det eit funkisvindauge med to ståande rammer utan sprosser. Dørene i huset har sveitserstil- og jugendpreg: Hovudinngangsdøra på nordveggen har fire ståande fyllingar, og eit overlysfelt med fire ruter på rad. Det er same type dør inn til ”kammerset” eller boden lenger øst på nordveggen. På vestsida er det dør inn til kjellaren: To små fyllingar under to ståande, høgsmale, og eit felt med fire ruter på rad øvst på dørbladet. ædal, Sogn og Fjordane fylkeskommune 2011.Tidlegare var det ei smal gang mellom dei to laftekassane – sidan er romløysinga noko endra, slik at ein no kjem inn i ei breiare gang frå nord, med trapp til loftet i nordøstre hjørne, og eit mindre kammers sør for gangen – her vert det no (pr. januar 2011) innreia bad.Gangen har gråmåla betonggolv. Veggane er kledde med eit brystningspanel av ståande vekselpanel, måla gult. Ei brei, brunbeisa list skil brystninga frå vegger kledde med smal, raudmåla perlestaffpanel. Det er profilerte himlingslister mot ein himling med eksponerte bjelkar, alt kvitmåla. Det er ei bratt trapp opp til loftet opp mot sør langs austveggen, og ei lita mura trapp opp til døra inn til masstova mot vest. Dørene til stova sør på vestveggen, masstova sør på austveggen, og til kammerset mot sør er fyllingsdører med sveitserstilpreg – to parallelle, høgsmale fyllingar, med ei liggande over og under desse. Dørene og dei profilerte gerikta er brunlakkerte.Stova i vest har eit interiør frå ca. 1900 med stor autentisitet. Rommet har bordgolv som er grønbeisa. Eit høgt, brunbeisa brystningspanel på veggane har ei smal hylle øvst, støtta av små konsollar. Øvre del av veggane har smalt, gulmåla perlestaffpanel. Det er kraftig profilert og konkavt listverk mot himlinga, som har eksponerte bjelkar. Den konkave delen er måla grøn, resten er kvitmåla. Det er pipe og brannmur nord på austveggen, pussa og måla brun nedst og gul øvst. Her står ein høg, sylinderforma omn i støypejarn.”Masstova” mot aust er innreia som soverom. Her er lakka golv av bord, veggar kledde med ståande panel som er måla mintgrønt, og himling med eksponerte bjelkar, kledd med lerret eller papir. Sør på vestveggen er ein pussa brannmur med avfasa topp, og her står ein etasjeomn av støypejarn. Kammerset sør for ganga står no med nytt stenderverk synleg, då her blir innreia bad. Loftsetasjen har eit kammers i kvar ende, skilt av ei brei gang. Det er eit nyare, liggande vekselpanel festa under taksperrene, truleg med isolasjon mellom panelet og taktroa. Her er opphavleg golv av breie bord, som er umåla.
kulturminneDateringKvalitet
kulturminneDateringMetode
KulturminneEnkeltminneArt
kulturminneHovedMateriale
kulturminneOpprinneligFunksjon
verneparagraf
- 15 (Fredning av bygninger, anlegg m.v. fra nyere tid)