Sylinderforma landmålingsvarde, bygd i 1932, 1,95 m høg og 2,2 m i diameter.
Tidlegare stod det ein firkanta landmålingsvarde, bygd i 1888, i alt 2,8 m høg,
der den øvre 1,8 m høge del var den eigentlege landmålingsvarden, bygd oppå ei stor og vid røys. Endå tidlegare stod det også ein varde, bygd anten i 1839 eller i 1851, men i 1888 kunne ein ikkje lenger finna kvar det var han stod.
Utsyn mot Kaldåskniba i Lyngdal/Herad, Tjennskarknuden (vete?) på Gausdalsviå i Hægebostad, Hanskekniben i Lyngdal, Visåsheia (vete) ved Ropstadknuten i Hægeland, Hesteheia i Greipstad (vete?), Udvåre lykt i Spangereid, Lindesnes vindkraftverk i Spangereid, Skibmannsheia i Spangereid (vete), Markøy fyr i Austad, Sævigheia i Spind, Sant Olavs varen i Herad, Storefjell på Lista, Lista vindkraftverk på Lista, Langelandsfjellet i Hidra, Kjørrsfjellet i Hidra, Søylandsfjellet i Nes ved Flekkefjord, Voreknuden i Lund (vete), Frøytlandsveden i Feda (vete), Bergjehei i Tonstad/Fjotland, Nonskarknuden i Kvinesdal og Glaven på Øyvassfjeddet i Fjotland.
Ein del meter N for varden ligg ei mindre, kvadratisk tuft.
Kjelde: Opplysningar frå Statens kartverk.