Beskrivelse fra lokalitet:
Øvst på jordet under 121/5 og fleire bruk ein vel 50 meter frå riksvegen og tett attmed bakkebrotet ned mot bekken vart det i ei søkesjakt funne spor etter førhistorisk busetnad. Området er avgrensa til kanten ned mot bekken. Her vart det funne fleire nedgravingar og spor etter nedgravne stolpar. Det var likevel ikkje råd å identifisera noko mønster eller system i plasseringa av stolpane. Ei nedgraving vart identifisert som eit mogleg grophus.
Beskrivelse fra Enkeltminne:
Konsentrasjonane av annleggspora, i alt 9 sikre spor etter førhistorisk aktivitet viser at busetnaden eller bruken har vore lokalisert på toppen av morene-ryggen. Sjakter i området vest og sørvest for funnstaden viser at det tilstøtande området ikkje har vore i bruk til busetnad. Samanliknar me grunntilhøva frå elvabrotet og området lenger ut mot dagens vegkryss er grunnen i sjakt 4 mykje meir finkorna og stabil. Lenger mot vest er det grovare grus og har meir lausastein. Området ligg då og i ei dump som kan ha vore mindre attraktiv som busetnadsområde. Mengda strukturar i sjakta er ikkje stort og me er difor mest truleg i utkanten av eit tunområde. Dersom vår tolking av anlegg 23 som eit grophus er nok dette ein del av ein større samling hus og byggverk i eit gardstun. Det vart tatt ut ein prøve for radiologisk datering av det moglege grop-huset og denne gav ei datering til vikingtid. Plasseringa av huset lengst utpå brotkanten viser at dette er ei randsone for tunet som må ligga i nærleiken. Mest truleg ligg tunet lenger opp og sørom riksvegen. Me er slik på sporet av jernaldergarden i Førde.