Gropa kan med fyrste augekast virka rund, men er noko firkanta i forma, i alle høve innvendig. Dei indre måla er 1,8 meter N - S, og 1,9 meter A - V. Vollen som er oppkasta rundt kolgropa er rund i forma og består av ljos grå silt / sand øvst og sandhaldig raudmold under. Med omsyn til stratigrafien både i vollane og elles rundt kolgropene er situasjonen mest alle stader i området tilnærma lik. Dette tyder på at det er tale om ein utvaskingsprosess etter at kolgropene har vore i bruk. Elles er kollaget i A:2 opptil 10 centimeter tjukt i botnen, målt fleire stader med sonderingsbor. Det ligg fleire kolgroper og jarnvinneanlegg i området. A:2 ligg ca 15 meter SA for A:4 og omlag 15 meter V for A:3 (kanonstilling).
Gravd ut i 2022.