Kolgropa er rektangulær i forma og har indre mål på ca 2,0 meter N - S og 1,1 meter A - V. Sidan den ligg i skråning er det noko problematisk å avgjera den faktiske lengda då det ikkje er nokon godt definerbar voll i S kant. I A og V er vollane derimot kraftige, spesielt i A. Største djupn er rundt 80 cm i N medan det skrår ut mot null i S. Det vart teke to prøvestikk i kolgropa. Dette fordi me frå først av var litt i tvil med omsyn til plassering og tolka det slik at det var ein eldstad me hadde med å gjera. Prøvestikka viste at kolgropa i alle høve har vore nytta to gonger (sjå prøvestikkskjema for A:40). Kollaga var 2 - 7 cm tjukke. Næraste anlegg er A:39 (kolgrop) som ligg ca 50 meter mot NV. Andre kolgroper i nærleiken på S sida av E-134 og elva er A:38, A:47, A:36 som ligg mellom 125 og 225 meter unna.