Det er tatt 4 prøvestikk på lokaliteten der to er tatt oppå sjølve avsatsen. Eitt av desse var funnførande og strategrafien i dette er dokumentert. Flata er så teikna og fotografert. Stratigrafien på lokaliteten er mykje lik den ein finn på lokalitet nummer 6, dei to øvste laga er mest identiske. Lag 3 er då ulikt, då ein her har eit 10 cm tjukt lag med lys brun sand. Lag 4 er eit tynt lag med silt. Funna strekker seg her tvers over den strategrafiske lagdelinga og ein finn funn like under torva og så djupt som ned til 45 cm. Då lokaliteten ligg på kanten av eit vidt daldrag, er det mykje truleg at ein har større eller mindre forstyrringar. Større inngrep frå jordbruk er likevel ikkje truleg då topografien gjev klare avgrensingar på kva som er mogeleg. Funna viser at ein i hovudsak har rhyolitt og kvartsitt på lokaliteten. I funnmaterialet er det og representert eit hogd emne av blågrå skifer.