Det vart i samband med registreringa i 1996 tatt 2 prøvestikk på lokaliteten. Eitt var funnførande, og vart dokumentert i profil. Flaten vart så teikna i skala 1:100. Det er også på denne lokaliteten kome ei rotvelt, som har øydelagt noko av den vestlegaste delen av lokaliteten, fleire små rotveltar vart og observert inne på det funnførande området. I 1997 vart lokaliteten nærmare undersøkt av Bergen Museum. Totalt vart det gravd 43 m2 på lokaliteten, men arbeidet var vanskeleg på grunn av mange røter. Graving måtte i visse tilhøve og verte gjort under desse røtene/stubbene. Stadfesting av stratigrafi vart difor ikkje alltid like enkelt. To stratigrafiske lag kunne skiljast ut: Lag 1 - Torv og Lag 2 - Funnførande sandlag. Lokaliteten er truleg einfasa, med opphald av menneske på staden i tidlegneolitikum.