Vester Sunde står fyrste gongen nemnd i manntalet frå 1664-1665. Like sør for noverande hytte ligg grunnmuren etter setehuset, og endå lenger sørvest ligg grunnmuren etter uthuset. Sørvest for noverande hytte ligg ein endå eldre grunnmur. På Vester Sunde var det busetnad frå 1600-talet til rundt 1903. Stova var så låg at folk ikkje kunne gå oppreiste der inne. Når Sunde-folk gjekk til kyrkje, bøygde dei seg i kyrkjedøra av gamal vane.