Tuft etter stokkebygd hytte på 3x4 m, bygd 1881 av "Per i Hommen" (Peder Andreas Hansen Hommen eller Farhommen (f. 1849 d. 1934). Der budde han vinteren 1881-1882 saman med kona, borna og ei ku. Kvar gong kua ville reisa seg, laut dei flytta stovebordet. Hytta hadde ein jernomn frå Nes jernverk, 1751. Han levde i ytterste fattigdom av det kua hadde å gje, og av jakt og fiske. Hytta datt ned rundt 1940. Rundt 45 m sør for hytta ligg grunnmuren til eit ysteri som aldri blei bygd.