På lokaliteten er det registrert eitt jernvinneanlegg med blestertuft/grop og 4 store kolgroper. Ei kolgrop er registrert langs stien lenger ned mot Fet. Blestertufta er 10 x 7 meter NA-SV. Djupne er på 1,5 m, med om lag rette veggar. Den er open mot NA. I prøvestikk vart det funne slagg, trekol og omnsforing. Mykje trekol. Ei 5,5 m lang og 0,70 m brei renne strekk seg ut frå anlegget NNV-SSA. Slagg er synleg i renna. Det vart teke eit prøvestikk i blestertufte. Dette vart lagt N i blestertufta v/renna. Profilen synte øvst eit lag med torv på 12 cm. Under dette kjem det eit svart sandhaldig trekollag på 10 cm. Her var det trekol, slagg og omnsforing. Det vart teke ut dateringsmateriale frå lag 2 (trekollaget). T-16197. Bjørk, furu. 695 BP, AD 1280-1390.