Beskrivelse fra lokalitet:
Lokalitet med busettings- og aktivitetsspor frå jernalder. Det er opna to sjakter på flata, sjakt I og J, i tillegg er det tatt tre mindre stikk i søkket mellom flata og Nyresvegen. Sjakt I og J var funnførande. Lokaliteten er avgrensa av eit vått søkk og tomme stikk i søraust og sør og av eksistrande busetnad i vest og nord. Utstrekning på lokaliteten med busettingsspor frå jernalder er ikring 6000 m2.
Beskrivelse fra Enkeltminne:
Lokaliteten består av to funnførande sjakter med funn av til saman 71 strukturar, 30 strukturar i sjakt I og 41 strukturar i sjakt J. Ut i frå funn av stolpehol i sjaktene er det sannsynleg restar etter fleire bygningar på flata. Trekol frå stolpehol I-26 i sjakt I er datert til Cal AD 330 ¿ A650, romartid-merovingartid. Utstrekning på lokaliteten med busettingsspor frå jernalder er utifrå funntomme stikk og naturleg topografisk avgrensing av flata rekna til å vere ikring 6000 m2. Sjakt I: 19 meter lang og ikring 4 meter brei, djupna på sjakta er ikring 20 cm, samla avdekka areal er ikring 76m2. Det vart registrert 30 strukturar i sjakta, 17 stolpehol, åtte fyllskifte, tre groper, ei grøft og ei kokegrop. Det vart snitta to strukturar, I-1 og I-26, to stolpehol. Desse stolpehola er etter alt å døme frå same hus. Dei kan vere eit stolpepar i eit treskipa hus, men det kan og vere eindel av stolperekka i eit treskipa hus. Sjakt J: 32 meter lang og ikring 4 meter brei, djupna på sjakta er mellom 20 og 30 cm, samla avdekka areal er ikring 128 m2. Det vart registrert 41 strukturar i sjakta, 25 stolpehol, ei grøft, fem groper, åtte fyllskifte samt ei kokegrop. I tillegg er ein struktur, J-18, tolka å vere brent sand eventuelt auredanning. Ingen av strukturane er snitta.