Beskrivelse fra lokalitet:
Varp (steinrøys som er blitt til ved at kvar vegfarande kasta ein stein på same staden). Lars Knutsson Handeland var på veg til kyrkje, men datt her og blei funnen i svime. Andre kom etterpå og fann han. Han blei køyrd med hest og slede ned til kyrkjebygda der han døydde. Han blei obduksert, og lensmannen tok opp forhøyr. Dette hende i desember 1856. Det er dette som står i kyrkjeboka, i både prestens og klokkarens kyrkjebok. Etter ein annan variant av segna døydde han etter eit slagsmål med mange detaljar. Etter ein tredje variant blei han drepen. Men då ville drap ha stått som dødsårsak i kyrkjeboka. Det kan tenkjast at sjølve varpet er eldre enn 1856 av di varpet ligg på toppen av ei kleiv og blei oppkasta for å oppnå lykke på reisa nedover kleiva. Og så døydde den mannen tilfeldigvis ved varpet eller der omkring i 1856.
Beskrivelse fra Enkeltminne:
Varp (steinrøys som er blitt til ved at kvar vegfarande kasta ein stein på denne staden). Varpet ligg ved toppen av ei kleiv. Dessutan blei her funne ein isvimeslegen mann i 1856 som døydde etter å ha blitt køyrd ned til kyrkjebygda. Vegen blei nedlagd i 1879. Dette er det einaste godt bevarte varpet i Vest-Agder.