Nord og nordaust for flata er ei særs slak skråning nedover. Her avgrensast lokaliteten av berg. Berget er i regelen ikkje eksponert her, men mykje bruk av sonderborr viser at her er vegetasjon eller myr som ligg rett på berg. Mot vest og aust er det også berg som avgrensar lokaliteten, ofte med eit tynt dekke av vegetasjon, men altså ikkje lausmassar. Mot sør går ei noko brattare helling oppover frå lokalitetsflata. Hellinga består for det meste av berg som innimellom er dekka av vegetasjon. Grensa mot sør er sett om lag i knekken mellom flata og hellinga. Høgd over havet er mellom 10 og 13 meter, og lokaliteten dekkjer eit areal på om lag 800 m2.