Då det blei grave ut kjellar for setehus her i 1909, blei det funne eit firkanta hòl med murkantar rundt, og inni låg det oske etter eit brent lik. Frå dette holet gjekk det ein kanal til eit anna firkanta hol, og frå dette ein kanal til eit tredje firkanta hol. Kanalane mellom hola var om lag 1 m lange. Grunneigaren reiste til Kr.sand, sidan til Oslo, for å melda frå til fagfolk, men han fekk inga hjelp, og han grov derfor vidare.