Beskrivelse fra lokalitet:
Heller under stup, 40 m lang, 6 m djup og rundt 30 m høg. Helleren låg rundt 100 m nord for setehuset på garden. Golvet var ein jordvoll som var støtta opp av ein steinmur. Steinmuren tok utgangspunkt i to store steinblokker, gjekk rundt 9 m mot sør-søraust, vinkla så av mot vest rundt 6 m. Prøvestikk gav berre nokre få brende bein i eit svart kol-lag. Segna seier at helleren blei brukt som kyrkje for fem gardar før Svartedauden, men alle innbyggjarane døydde under Svartedauden. Segna seier at Hylestad-portalane opphavleg stod under helleren, men dette er det mange som tviler på. Segna seier også at det ligg 66 menneske gravlagde utanfor helleren, mellom desse ei kongsdotter frå Avaldsnes. Ein gong før 1884 blei det visstnok funne eit stort bein då dei spadde opp ein åker, men arkeologar fann ingen kyrkjegard i 1938 og 1968. Ein veit likevel ikkje om dei grov på den rette staden. Helleren har stått under vatn sidan 1970.
Beskrivelse fra Enkeltminne:
Heller under stup, 40 m brei, 5 m djup. Segna seier at han blei brukt til kyrkje før Svartedauden, og at det blei gravlagt 66 menneske utanfor helleren, m.a. ei kongsdotter frå Avaldsnes. Segna seier at Hylestad-portalane opphavleg stod under denne helleren. På 1800-talet blei det funne eit stort bein då dei spadde opp ein åker. Men då arkeologar undersøkte helleren i 1938 og 1968, fann dei ingen teikn til kyrkjegard.