Under graving i ein bakke i 1862 blei det funne mykje trekol. I dette trekolet blei det funne eit krumma ei-eggja sverd utan hjalt, ei øks, to pilspissar, eit sigdblad og eit munnbitt, alt av jern. På Kaddeberg-reinè blei det jamna ut nokre haugar i 1870-åra. Der blei funne eit tvieggja sverd med sylvinnlegg i hjaltet, ein handledsring i bronse, ei øks, ein kniv og eit glasskår. Funnet skal vera frå eldre jernalder og er på Bergens Museum. I 1944 talde Tarjei Liestøl 15 gravhaugar her, men no er her kan henda berre éin gravhaug att.