Beskrivelse fra lokalitet:
Det var ei skjelett-grav frå 500-talet. Ved litt graving rundt krukka fann dei fleire bitar av den, i tillegg til ei korsforma spenne. Det sette inn med frost, og vidare graving var umogleg. Staden vart dekka med helle og jord igjen. Ein større sirkel som ikkje måtte pløyast vart avmerka. 27. april 1950 vart undersøkinga fortsett. Det viste seg då at grava var ei sekundærgrav i ei gravrøys på rundt 12 kvm, kanskje større.På røysa hadde det i mange år blitt planta frukttre. I tillegg hadde ein greve ned sjølvdauda dyr fleire stadar, særleg i vest. Ein sau var gravd heilt ned på den vestre delen av grav II. Kraniet og ein del av skjelettet vart funne. Om delar av denne grava og grav I var blitt øydelagt på denne måten var vanskeleg å sjå. Hellene over grav II låg heilt skrått, og grav I var i alle fall øydelagt då grav II vart laga.
Beskrivelse fra Enkeltminne:
Gravrøys på vel 12 kvm, kan hende større. I aust var den frå gamalt veldig skadd ved dyrking. Dei to siste åra før den vart registrert var det køyrt mykje stein frå den. Røysa låg like inn ved det gamle Njøs-tunet og var i lange tider blitt oppfatta som restar etter ein gamal husmur. Den hadde hatt fotkjede som i 1949 var til stades i vest, nordvest og sydvest. Den låg i hallande terreng. Den var 1 til 1,25 m høg, og det var køyrt vekk minst 1 m tidlegare. Det var ei veldig jordblanda røys, og den var bygd av til dels veldig stor stein, tre til fire manns løft. Særleg var dei i fotkjeda store.