Mot vest avgrensast lokaliteten dels av den nyleg anlagte vegen opp til tunet på gnr. 21/3 (ikkje kartfesta) og dels av den negative sjakt 3. Mot sør er grensa sett inntil den negative sjakt 22. Denne sjakta er for ein stor del prega av moderne forstyrringar som grøfter o.l. Mot aust og dels nordaust dannast grensa av ein kant der dyrkamarka endar. Nedanfor kanten er det krattskog. Mot nord er grensa sett til ei bonitetsskilje nord for sjakt 23. Ein vil etterkvart påtreffe myr etter som ein nærmar seg sjakt 1. Lokaliteten dekkjer eit areal på om lag 2700 m2.