Under overvaking av graving av ei bustadtomt vart det påvist automatisk freda kulturminne. Det vart sett igang arkeologisk registrering 22., 27. og 29. august 2008. Det blei då totalt påvist 14 strukturar, kor tre vart tolka som kokegrop/eldstadar, ni som stolpehol, medan to hadde ein meir diffus karakter. I perioden 6.-29. oktober 2008 gjennomførte SFYK, Bergen Museum ei frigjevingsundersøking her. Det vart opna eit om lag 535 m2 stort område (det er dette området som er definert som lokalitet her). Det vart påvist 147 strukturar i form av stolpehol, grøfter, kokegroper, eldstadar, omnar og leirfylte nedgravningar. Det er påvist to hus frå førromersk jarnalder. Fire av strukturane er tolka som omnsanlegg frå førromersk jarnalder og eldre romertid. Det er også påvist forssit dyrkningslag frå rundt midten av bronsealder. Dateringar fra to kokegroper syner at her også har vore aktivitet i eldre bronsealder og forlkevandringstid.