Lokaliteten låg i øvre enden av eit nordvest-søraust gåande lite daldrag like vest for toppen Varden som ligg sentralt på nordre ende av Bjånesøy. Lokaliteten ligg i le bak ein fjellrygg langs vestre side og Vardefjellet i austre og sørleg del. Mot nord munner daldraget ut i ei myr lenger nede. I steinbrukande tid då vannstanden stod høgare, har dette vore ei lun vik (sjå vedlegg 3). Buplassen ligg på frå ca. 16 til 18 meter over havet og har ein utstrekning på ca. 16 meter NV-SA og ca. 15 meter SV-NA (ca. 240 m2). I NV og SA avgrensast lokaliteten av negative prøvestikk (sjå vedlegg 5). Daldraget er rimeleg opent med mykje høgvaksen bregne. Det er også spredte innslag av brake og rogn på staden. Området ber tydelege teikn på å ha vært rydda for stein og skog. Rundt daldraget opp mot berg i NV og SA er det rester etter et steingjerde samt eit nyare nettinggjerde. Det vart totalt tatt fem prøvestikk på lokaliteten, hvorav tre var positive.