Lokalitet 1 ligg i draget som går opp i retning nordvest-søraust nordaust for Prestaneset, på om lag 15 moh. Lokaliteten er avgrensa av bergknausar mot nordaust og av ein steil bergkant mot sør/sørvest. Mot søraust er lokaliteten avgrensa av eit bratt parti i terrenget og eit prøvestikk på ein flate nedanfor, og mot nordvest er den avgrensa av eitt negativt prøvestikk. Området er myrlendt, stadvis svært vått. Området hellar svakt på staden, med nokre steilare parti og noke flatare område innimellom. Skråning nedover mot sjøen i søraust. Lokaliteten utgjer om lag 18x11 m.