I området vart det grave tre prøvestikk, samtlege positive (PS 11-13 i rapport). PS 11 lengst mot V, og omlag 4m frå kanten der terrenget går bratt ned til sjøen, mens PS 12 og 13 vart grave lengre inn på flata. Lokaliteten er naturleg avgrensa av fjell mot Ø og S, mens terrenget skrår ned mot sjøen i V og mot myrområde i N. Funnene låg mellom 15 og 40cm under dagens markoverflate. I PS11 låg ein del av funna i mørk humusblanda sand. Blant funna er det smalflekke, bipolar kjerne og flekkefragment med bruksspor, alle i flint. Elles vart det også funne ein god del avslag i flint og kvarts. I alle prøvestikka var ein del av flinten brent. Flest funn i PS 11 (72 stk).