Mølltunet består av tre bruk med til saman elleve bygningar, der ti av bygningane ligg i ei tett
klynge, i ei sørvendt li med relativt bratt terreng. Dei tre bruka, Utigard, Bøtel og Framigard har bustadhus, løe og andre bruksbygningar, anten frittståande eller samanbygd med stovebygninga på bruket. Bygningane er daterte frå 1700-talet og fram til 1905.
Hageanlegget inneheld ein bær- og frukthage med eldre tre, sør for bygningane i tunet. Resten
av marka i tilknyting til Mølltunet er slåtteeng/beitemark med spor etter tidlegare drift
Mølltunet ligg midt i den sokalla Møllsbygda i Geiranger i den søraustlege delen av Stranda
kommune, 195–200 moh., tett ved den kjende turistruta Ørnevegen. Mølltunet ligg i
verdsarvområdet Norsk Fjordlandskap, nordre del, Geirangerfjorden.