I 1807 fekk Arne Ols. Øyen bygsla eit bruk i Tafjord av presten Claus Finde. Frå 1819 står Øyen oppført som brukar her. Det er frå han at garden har namnet sitt, «Arnegarden».
I 1836 fekk sonen, Ole Arneson Tafjord, skøyte på garden frå postmeister Tonning i Ålesund. Tre år seinare gav Tafjord kår til foreldra sine på garden.
Nystova i Arnegarden stod ferdig i 1898. Året etter vart den gamle røykstova, som stod på staden, riven. Arneløa er ein del av det gamle bygningsmiljøet i Fundergata i Tafjord.