Bustadhus bygd av tegl, opphavleg i to etasjar og valmtak med fleire små kvistar, rundt midten av 1800-talet bygd på ein 3. etasje (moglegvis i utmura og forblenda bindingsverk) med valmtak. Symmetrisk fasade mot Tollbodallmeningen, i midtaksen ein portal med joniske pilastrar som bar ein broten segmentgavl. Vindauga stod i jamne rekker og var plasserte i blendingar med boga overkant, hjørna var markert av kvaderlisenar. Den påbygde 3. etasjen hadde enkle, udekorerte veggflater. Huset låg på hjørnet av Strandgaten og Tollbodallmenningen, og øvst på ein stor eigedom som strekte seg ned til Vågen. Her var det lagerhus og ein sjøbod.