Sellevåg treskofabrik er eit representativt døme på framveksten av småskala industriverksemd basert på foredling av trevirke på slutten av 1800-tallet, og representerer ein viktig del av industrihistoria på Vestlandet. Sellevåg Treskofabrik har ein stor grad av kontinuitet og autentisitet ved at bygg og tekniske utstyr heilt frå etableringa i 1899 enno står på sin opphavlege plass, i tillegg til dei utbyggingar og tekniske nyinvesteringar ein gjorde i 1952 og 1971. Sellvevåg treskofabrikk er plassert nede ved pollen der elva frå Sellevågvatnet renn ut. Landskapet rundt er typisk for Gulen og fabrikken ligg skjerma inn i ei lita kløft der elva renn ut i pollen framfor fabrikken. Fabrikkanlegget består i dag av fabrikkbygningen og ein garasje for lastebil påbygd eit halvtak som fungerer som garasje for personbil. Både fabrikkbygningen og garasjen har vore utvida fleire gonger.