Denne tufta er bygd på ei svakt hellande bergflate, og er orientert aust-vest. Tufta er rektangulær,med godt synlege og rette tørrmurar. Langveggane er 7 meter, medan kortveggen er 4 meter. Høgda på murane er om lag 30 cm. I den austlege enden av tufta er det noko grastorv, og murane her er delvis mosegrodde. Inngangen har vore i den søre veggen, vest for midten av tufta. Frå dette inngangspartiet og til den vestlege endeveggen er det ei naken bergflate. Dette skyldast at det på berget er satt ein saltstein, slik at dyra har trakka reint berget rundt denne.Det vart ikkje prøvestukke i denne tufta. Form og utsjånad på tufta tyder på at den er frå etterreformatorisk tid. Høgfjellsterreng. Flatare gras, lyng og einergrodd "eide" mellom fastlandet og Dyraneset som stikker ut i Bjølsegrøvatnet. Markert terrengformasjon (smalt eide). Morenemassar på heile "eidet". Bratte bergveggar på begge sider av "eidet". Bjørkaviki, den N vika, går heilt inn til bogestella (WP 023). Vatnet er regulert. Ligg på eide ca 50 meter frå AskeladdenID 120808(WP 116).