Det syner åkerhakk like ned for tuftene/tunet. Bratt og nedgrynt åker. Lang røys nedanfor denne. Det er hittil ikkje funne tufter/tun so langt ovanfor gardrekka. Tuftene 1 og 2 liknar på tufter etter ein husmannsplass - fjøs med open gjødselkjellar på nr. 1, og stugu med kjellarhol under på nr. 2. Dei andre tuftene, so mange som 4, kan neppe skrive seg frå ein heimstøl, men truleg frå eit svært gamalt gardstun.