Latinskulen ligg rett nord for Domkyrkja. Tomta ligg på oppsida (austsida) av Lille Øvregate, og strakte seg før oppover i fjellsida inntil terrenget vart så bratt at det ikkje kunne nyttast. Her vart Bispengsgaten anlagt rundt 1900, og Bispengsgaten aldersheim vart bygd på den øvre delen av tomta i 1913. Elles grensar eigedomen i nord mot ein rekkje med bustadhus frå seint 1800-tal, og i sør til Domkyrkjegarden. Skulebygningen ligg om lag midt på nedste delen av tomta, med kortsida mot gata. Det er ein stor bygning i to etasjar, med valma tak og ein høg kjellar under. Huset er dels av mur, dels av utmura bindingsverk, kledd med teglmur og liggande panel. Nord for det er eit bryggjarhus av panelt tømmer i ein etasje. Mellom husa fører ein steinsett veg opp frå gata, elles er eigedomen opparbeida som hage med plen, tre og hellelagde gangvegar. Mot gata er ein pussa gråsteinsmur med gitterport.