Eigedomen Elsesro vart grunnlagt i 1784 som kombinert verft og lyststad av skipsbyggar Rasmus Rolfsen og fekk namn etter hans kone Elsebe. Hans son og soneson bygde anlegget vidare ut, med tilbygg til hovudhuset, ein romantisk landskapspark med paviljongar, vassdammar mm, og melteriverksemd på verftstomta. Det aller meste av dette er bevart ¿ hovudhus med bakbygning, paktarbustad, tre paviljongar og dei fleste landskapsmessige hovudtrekka i parken, ei rekkje uthus, samt verfts- og melteribygningar, og ein del av bygningane er freda. Frå 1940-åra og frametter er bygningsmuseet Gamle Bergen bygd opp på eigedomen, med ca. 25 hus flytta frå ulike stader i Bergen - fleire av dei er også freda.