Hovudbygningen på Slettebakken er eit langstrakt trehus i ein etasje, kledd med kvitmåla vestlandspanel og med pannetekt saltak, i hovudtrekka lite endra sidan slutten av 1700-talet. Huset ligg litt ute på kanten av ein terrasse, nedanfor ein knaus på eit høgdedrag som skyt ut i Bergensdalen, slik at det er vidt utsyn nord- og vestover, og ei skjerma flate på sørsida. Både nord og sør for huset er det restar av hageanlegget frå lyststadtida. Også fleire av dei andre bygningane som høyrde til, finst enno: I sørenden av hagen ligg eit par gamle uthus, og litt lenger unna ei gammal løe.