Etne prestegard ligg eit stykke sørvest for Stødle kyrkje like ved den gamle vegen til kyrkja. Historia til både kyrkjestaden og prestegarden går tilbake til mellomalderen. Prestegarden er identisk med garden Enge og halvparten av garden Kambe. Den noverande hovudbygningen er eit trehus i halvannan etasje frå 1871. Grunna fare for flaum vart denne bygd lenger vekk frå elva enn den gamle prestegarden. Samstundes vart dei andre husa flytta til området rundt den nye hovudbygningen eller bygd frå nytt av. Forutan hovudbygningen omfattar fredinga borgstove, eldhus, stabbur samt ved- og vognskjul. Prestegardsanlegget har stor kulturhistorisk interesse som representant for dei mindre embetsgardane frå siste halvdelen av 1800-talet.