Garden Kvilekvål ligg om lag 2,5 km aust for Evanger i Voss kommune, i den bratte lia på nordsida av elva Vosso. Den freda Knute Nelson-stova er ein toetasjars lafta bygning i saga tømmer, med liggande kledning og torvtekt saltak. Stova ligg øvst i eit tett, lite klyngjetun med hus i tre rekkjer ovanfor kvarandre, med ei lemstove ved sida av (eigentleg eit tilbygd loft), ei til stove og eit bualoft i rekkja nedanfor, og florar og løe nedst.