Erviken ligg ved ei lita vik lengst inne i Eidsvågsbukten, rundt fem km nord for Bergen sentrum. Det freda hovudhuset ligg på ei terrasse nede ved sjøen. Det er opphavleg eit 1700-talshus, men er i dag heilt prega av på- og ombyggingar frå tida rundt 1. verdskrig, då Ole Landmark omskapte det til ein praktvilla i bergensstil, med kvitmåla panel, saltak med svai og ein stor spissgavla ark midt på fasaden mot sjøen. Rundt huset er ei stor, parkmessig opparbeida hage, med m.a. eit stort drivhus og tennisbane. Her er òg stabbur, hønsehus, badehus og paviljong teikna av Landmark - dei to første i sveitsarstil, dei to siste i klassisisme.