Lokaliteten ligg på ei markert hylle i landskapet. Her er ein noko kuppert flate med sandavsetningar. Staden er relativt tørr og det veks mykje vier og noko furutre på staden. I vestre kant er det ein del utrasa stein som dekkjer noko av flata. Det er tatt 8 prøvestikk på berghylla, der to har gitt funn av flint og bergkrystall. Stratigrafien på funnstaden er delt mellom eit torv-/rotlag, og under dette eit gråleg sandlag som går heilt ned til berggrunnen. Djupna varierer mellom 35 og 40 cm, Funna er gjorde like under torva. Spreiinga vertikalt og fråværet av organiske avsetningar i samband med funna vitnar om at lokaliteten ikkje har vore i bruk over lenger tid.