Flaten som lokaliteten ligg på er ei mindre hylle som skrånar slakt opp mot eit ovanforliggjande jorde. Lokalitetsområdet er slik avgrensa i nord av bergknausar og i sørvest av ein terrassekant. I austre del av flaten går ein mindre flaumbekk som har vaska vekk all overflatemasse i ein del av området. Totalt er vel lokaliteten på 30 kvadratmeter. Det vart tatt to funnførande prøvestikk på lokaliteten. Lagdelinga vser ikkje eit klart markert kulturlag sjølv om det er funne brent nøtteskal og trekolbitar. Under torva er det i hovudsak dyrkingsjord og grus. Funna er gjort i dette laget. Funnstaden har nok tidlegare vore oppdyrka likt med flaten ovanfor.