Stratigrafien på funnstaden viser at ein har eit vel 10 cm tjukt torvlag i søraustre del av lokaliteten, som aukar i tjukne i prøvestikk 3 og 4 (her er det vel 20 cm tjukt). Under dette har ein eit 10-15 cm tjukt lag av sand, stein, trekol og anna organisk materiale. Dette laget er funnførande og ein må difor kunne sjå dette som eit kulturlag, dvs. eit stratigrafisk avskilt lag med funn av steinartefakter, trekol og hasselnøtskal. Under dette har ein eit lag av grov sand og stein. I dette laget er det ikkje funn i sørvestre del, men i nordvest er det funn i øvre del av dette laget. Det er likevel mykje truleg at dette laget er steril undergrunn, som funna i nordvestre del er trakka ned i. Dette er og den delen av lokaliteten, der slitasjen og må ha vore størst.