Funnstaden ligg på flaten som vender utover mot Toskasundet. Her er vidt utsyn mot sør, vest og nordvet. Flaten er naturleg avgrensa. Sjølve funnstaden er flat, men med einskilde bergskaver stikkande opp på austsiden av flaten. Funna som er gjort vitnar om at lokaliteten er konsentrert til ein liten del av flaten; her er funn i eit prøvestikk og det kan difor vere naturleg å sjå denne lokaliteten som ein utkikksplass i samband med den aktiviteten som har funne stad i området. Lagdelinga viser at lokaliteten er mest urørt av nyare tids inngrep. Ein del beiting på staden har erodert noko av avsetningane, særleg arealet rundt funnstaden. Torva er veldig tjukk, opptil 40 cm. Under dette er eit lag på 2-3 cm av sandblanda torv, mørkt på farge etter blanding med oske og trekolpartiklar. Under dette eit lag med lys finkorna sand, vel 14 cm tjukt. Vidare har ein eit gruslag på 5 cm med sand og småstein.