Sandviksbodene 12-24 er eit bygningsmiljø ved sjøfronten i Sandviken med i alt 12 bygningar, til dels bygde saman med kvarandre slik at dei utgjer fire bygningskompleks. Bygningane er tradisjonelle bergenske sjøbuer, med lafta lagerrom i opptil tre etasjar, forbunde med svalgangar, utvendig panelte og med tegltekte saltak. Den eldste av dei kan vere frå rundt 1660, dei fleste er frå 1700- eller første del av 1800-talet. Opphaveleg stod buene ute i sjøen; i dag er areala mellom og framfor dei til dels fylt ut.