To gravhaugar av typen rundhaug som begge er fjerna. Dei blei utgravne i 1883. I den eine rundhaugen låg det kòl, oske og brende bein, ingenting anna. I den andre rundhaugen låg det kol og oske øvst og meir og meir kol og oske nedover mot midten til dess ein kom ned til eit steinlag med ei hellekiste i. Hellekista var ikkje større enn 0,63m x 0,47m. I hellekista låg det ikkje anna enn brende bein. Rundt hellekista låg det eit tjukt lag med oske og kol der det var sett ned elleve krukker (urner) i ein halvsirkel rundt hellekista, men alle krukkene var sund. Der låg også bitar av nokre spenner av bronse, eit beslag av bronse (til eit belte?), ei nål av jern, ein liten flintstein og ein liten stein av gjennomsiktig kvarts. Utgravingane skjedde då ein skulle utvida dalevegen i 1880-åra, like ved Valand bru som den gongen låg mykje lenger nede enn den noverande. Ettergravd av H. Gjessing i 1911 då ein skulle leggja om dalevegen til nesten noverande brustad på Kringlen. Gravhaugane er berre omtrentleg kartfeste.